المشكله لا سرت ما تعرف خطاك ؟؟؟؟؟

من طرف ثرثرة الأضواء الخميس سبتمبر 11, 2008 5:22 pm

ياصاحبي لك عين تسأل ويش مزعلني عليك

المشكله ياصاحبي لاصرت ماتعرف خطاك

المشكله مااقدر على ثاري ولااقدر اشتكيك

تبغي السبب؟ عندي حياء..والا انت ماردك حياك

ابعد ترى كل الجروح اللي تثنت من يديك

حرام ماتبرى ولاانساها ولو جيت بدواك

اول وانا كنت احتمي بك وانت لاجيت احتميك

والحين ماتفرق معي هي من متى تفرق معاك

لا جيتني كنت احتفي بك حتى لاغبت احتريك

واستغفر الله لو تموت الحين مااحضر عزاك

اخطي على نفسي ولاارضى بالخطا مني يجيك

جيتك بوجهي وانت يوم اقبلت تعطيني قفاك

ارميك مابيعك لو اني بالغلا كنت اشتريك

هذا كلام اللي رحل واشره على من عاد جاك

لاعاد تسأل وش تبي باللي نساك ولايبيك

لو جيت عاني هنا..اترك هنا..وارحل هناك

الله ياساتر على الدنيا وياساتر عليك

(كل اللي سويته معي) وتقول ماتعرف خطااااك ؟؟؟