إنتقام فتاة لصديقتها المتوفاة

ساره بذهول/ نجد وش صار عشان الكلام هذا كله اذا انتي
مكذبتني ادخلي معي الايميل وراح تصدقين انه محترم
نجود بضحكه عصبيه/ طبعا لازم يكون محترم
ويكفي انه ولد نت
سكتت ساره وبعد شوي حاولت تغير الموضوع وتقبلت
نجود الوضع عشان ماتحرجها أكثر و بعد شهر دخلت نجود الايميل ولقت ساره وعرفتها بالملتاع اللي طلع اسمه منصور وماطولت شوي ثم طلعت وبعد يومين سألت نجود ساره اذا كانت لسه تقابله وردت ساره أنها ناسيته خير شر
ارتاحت نجود ورجعت حياتهم مثل قبل طلعات
وزيارات ووناسه.

****************
بعد سنه من الموقف اللي صار كانت نجود نايمه الظهر وفجأه دخلت أمها متوترة و تصحيها وتقول ساره بالمستشفى فزت نجود على طول وقالت ليه وش صاير قالت ماادري امها تقول انها تعبت وتبيك تجينهم هناك راحت نجود المستشفى ودخلت شافت أم ساره منهاره جنب أبو ساره
قالت/ خاله ساره وش فيها
ردت عليها والله ماادري لقيتها طايحه بالمطبخ الساعه
3 الفجر والثلاجه مفتوحه والادويه كلها برى
انفجعت نجود معقوله ساره تبي تنتحر !
دخل الدكتور قال ان عندها تسمم وبيسولها غسيل معده
قالت نجود/ خلاص ياخاله كل شئ بخير الحين
تطلع بالسلامه<كانت ماتدري هي أطمنها ولاأطمن نفسها>
قالت الخاله/ ماظنيت يابنتي انتي لوشايفه وجهها وشلون
ازرق
انفجعت نجود وسكتت من الصدمة!!!!!
بعد الغسيل قال الدكتور بيحطونها تحت الملاحظة ليتأكدون من أن الحاله مستقره وبعد يومين نقلوا ساره للغرفه
جت نجود وتصلبت عظامها من منظر صديقتها الشاحب و أمسكت نفسها وقالت بصوت حاولت يكون مرح/ كالعادة ساره تحب تجذب الانظار
كيفك ياسوير انشاالله احسن
ردت ساره بهزه بسيطه من راسها
نجود/ خاله روحي للبيت انا بقعد عندها انتي ارتاحي
في البدايه رفضت لكن مع الالحاح راحت
قالت نجود لساره/ يله قولي الحكايه بدون زياده
أو نقصان لكن بالبدايه انتي كنت مستمره مع منصور
بس خبيتي علي صح
نزلت دمعه من ساره قطعت قلب نجود لكن نجود سألتها
بصوت صارم/ احكيلي قصه فتاك العاشق اذا ممكن
وبصوت متكسر حكتلها انها ماقطعت العلاقه بس خافت من
نجود عشان كذا ماقالتلها واستمرت معه وزاد تعلقها فيه
وهو بعد حست انه يحبها لمده سنه وفاجأها قبل اسبوع انه
راح يتزوج وانصدمت ساره وسألته كيف يتزوج قال مثل
ماخلق الله يتزوجون انفجعت ساره وسألته اذا يحبها ولا لا قام
يضحك ويقول حب النت بس للبنت وهذا حب فاشل
وهو مايؤمن بالخزعبلات هذي بعد كذا صدع رأس ساره
وراحت تبي حبوب صداع ولقت جميع الأدويه
فأغواها إبليس في لحظه ضعف فاكلت كل الأدويه
بعد ماشافتها نجود تبكي بدال الدمع دم حاولت
تغير الموضوع / عموما الله ستر هالمره واستغفري
ربك وتراك معزومه
ساره/ على أيش
نجود/ على خطبتي
ساره بذهول/ على مين
نجود بنظرات برئيه/ من يعني أكيد توم كروز
كان تموت من الضحك ساره وارتاحت نجود عشان
رجعت صديقتها اللي تعرفها
ساره/ بس بشرط أخذ معكم صوره وبينكم سواء
توم كروز ولا غيره
نجود/ هو يجي بس ويصير خير
وبعد جلسه تذكروا فيها شقاوه الماضي جت أم ساره
اقعدت عندها وطلعت نجود

****************
بعد ما طلعت نجود من المستشفى راحت للبيت ونامت
وقامت الساعه 1 بالليل على جرس التلفون وردت إلا
هي أم ساره تصيح وتقول الحقيني يانجود ساره راحت ساره
راحت راحت ونجود من الفجعه صرخت بصوت عالي وعلى
صراخها قاموا أهلها كان تمسك أخوها الكبير خالد وتصيح تكفى ودني لها الله يخليك ودني لساره تكفون ودوني لها قبل ماتروح تكفون وكانت تبكي بحرقه وصوتها مبحوح
قام خالد وداها وعلى دخلتها الغرفة أسئلت الدكتور وهي تبكي كيف ماتت قال لها ان بعض الادويه كان لها أثار جانبيه اثرت
على الكبد وسببتلها فشل كلوي حاد لأن الادويه كانت
مختلفه للقلب والضغط والسكر وغيره
وفي النهايه قال لها هذي حكمت ربك وعظم الله أجرك
قامت تصيح وتركض لساره وانصدمت من منظرها
وقالت وهي تضمها ساره لالالالالاتكفين لاتروحين وتخليني
خلاص ماراح أغلط على منصور بس انتي لاتخليني تكفين مالي غيرك وكانت تقول بحاله هستيريه وهي تضرب صدرها خلاص ماراح اتكلم فيه هذا وعد مني بس ردي علي وجاء خالد أخذ نجود وبعدها عن ساره ثم وداها البيت وفي البيت مرت نجود بحاله بكاء شديده وجلست على هالحال شهرين لا تكلم احد ولا تطلع من غرفتها حتى أهلها خافوا عليها بس هي كأنها في عالم ثاني ماتحس باللي حولها ولا تدري عنهم

****************
بعد شهرين نادت ام ساره نجود للبيت طبعا نجود
رفضت تروح عشان البيت بذكرها بساره بس امها
اقنعتها ان الحرمه المسكينه ماتبيها الا لشئ ضروري
وبعد الحاح صعب وافقت نجود تروح
وكان اول ماحست فيه يوم دخلت مع الباب الوحشه
بالبيت وصاير كئيب ومظلم
جت أم ساره وكان واضح عليها التعب والأرهاق
نجود/ كيفك ياخاله
الخاله/ الله عالمن بالحال يابنتي
نجود/ والنعم بالله خير ياخاله بغيتيني في شئ
الخاله/ ايه وانا امك ابي اسألك عن شئ
نجود/ أمري
الخاله/ يوم وفاه ساره ذكرتي واحد اسمه منصور
وش سالفته يابنيتي
انصدمت نجود وكانت ناسيه وش قالت وماعرفت وش تقول
الخاله/ نجود لاتنسين اني أم وقلبي حاس أن فيه
شئ بنتي في ايامها الأخيره مهب بنتي كل شوي بالنت
و دايم معصبه ولا تأكل ولا شئ تكفين قوليلي السالفه
نجود تحاول ردها يكون مقنع وبابتسامه مصطنعه/ يوووه ياخاله
فكرك راح لبعيد منصور هذا ممثل وكنت اتهاوش انا وساره
بسبته وهذي السالفه
سكتت الخاله وحست نجود أنها ماأقتنعت بعدين قامت
ورجعت معها دفتر احمر وعطته نجود قالت هذا عطتنيه
ساره بعد مامشيتي أخر يوم
وقامت الأم تبكي وتحاول تكمل وقالت لي يمه عطيه
نجد وتكفين لايأخذه احد غيرها
حاولت نجود تتمالك نفسها قدام خالتها وأخذت
الدفتر وقالت/ وحدي ربك ياخاله ادعيلها بالرحمه