ماودي الناس تدري وش يبكيني

من طرف **love see** الإثنين أكتوبر 20, 2008 6:27 am

من عز نومي صحيت وشفت في عيني

دمع تهادى على جفني وانا غافي

سترت دمعي بكمي قبل يغريني
اخذت هذا الجسد من باقي لحافي

وسرت تايه ورى خطوات رجليني

لا الوجه وجهي ولا اوصافي هي اوصافي

امشي واقول لطريقي لا توديني

لعيون ناس تبي تدري عن الخافي

امانتك ... خلها مابينك وبيني

خابرك يالدرب اخوه عمر وسنافي

ماودي الناس تدري وش يبكيني

كرامه النفس ورث ابوي واسلافي

امشي واحس الخناجر في شراييني

والبرد يمشي وراي وينهش اطرافي

وحيد والليل بردونه يغطيني

تقول كن البلد روح بها السافي

الين ماوحيت لي صوت يناديني

صوته اعرفه مثل ما اجهل وش خلافي

قمت اتلفت وانادي .... لاتخليني

ماغيره الصوت ... هذا صوته الدافي

ولمحت زوله من اقصى الدرب لافيني

مدري وش اقول لكن حي هالافي

تعال .... شف غيبتك كيف اثرت فيني

تعال ....شفني وانا اغرق عقب مجدافي

تعال .... خذني ورح بي من عناويني

تعبت اعدي على جمرك وانا حافي

تعال واقطف بصوتك زهره سنيني

كل المواعيد عقبك شمعها طافي

تعال وازرع خصل شعرك بكفيني

بضمها لين احس بليلك الظافي

تعال ... وش فيك خاااااايف ؟؟؟

انت ناااااسيني ؟؟؟؟؟

قطعت صوتي عليك وطال ميقاتي

حتى بديت اشعر ان الحب معميني

وان انت حلم عثي فيني وانا غافي

لكن امانه ترى اللي فيني كافيني

ان رحت منك كذا مارحت متعافي

بصدق الحلم واحذر لا تصحيني

في خاطري كلمتين وان قلتها كافي ,,,

اماااااانه الله عليك !!! ان غبت عني

لايكون قلبك مثل قلب الزمن جااااافي

مع كل دمعه تذكر رعشه يديني

ومع كل ضحكه تذكر قلبي الوااااااااااافي

مع ارق تحيااااااااتي ودمتم ...

من طرف **Smile Soul** الإثنين أكتوبر 20, 2008 11:33 am

من طول الغيبات جاب الغنائم
نورتي القسم بطلتك

قصيدة جدا رائعه
تسلمين عالنقل

تقبلي تحياتي lovesee

ماودي الناس تدري وش يبكيني

ماودي الناس تدري وش يبكيني

رد: ماودي الناس تدري وش يبكيني