تدري وش أكبر شوق من بين الأشواق

من طرف هيبه ملــــكه السبت أغسطس 30, 2008 4:33 pm

تعـال دام الله كتـب بعـد وفــراق
عنـدي كـلام بخاطـري مانسيـتـه

دام الغلا رشـة حبـر فـوق الأوراق
لابـوك ياقلبـن طلبـنـي وجيـتـه

شلت التعب ماقلت ياكبـر الإرهـاق
أخـاف يفهمنـي غلـط لـو شكيتـه

أرضيـه وأدلعـه والبـال مــاراق
فديـت قلـب اللـي تضايـق فديتـه

فيني وفااا عاشق من البعـد مشتـاق
يذكـر حبيبـه كـل مـا مـر بيـتـه

وجيته وفيني شوق مابين الأعمـاق
يهدنـي ويـزيـد كــل ماطريـتـه

جيته عتب شوف العتب داخلي ضاق
أستغـرب أطباعـي بقلبـن هويـتـه

حبن سكن قلبي وفـاق الغـلا فـاق
إخـلاص ماهـو للمصالـح خذيـتـه

تدري وش أكبر شوق ما بين الأشواق
مغلـيـك لامـريـت درب ولقـيـتـه

واليوم يوم الله كتـب بعـد وفـراق
دعيتلـه بـس العـتـب مانسيـتـه