من طرف **Smile Soul** الثلاثاء أغسطس 26, 2008 7:15 am

قسوة الأيام

كلن يدينه في يدين الحبايب

إلا أنا أطرد سراب بحياتي

كل ما نويت أحب رديت خايب

وماتت معايه بالهوى أمنياتي

ياشرهتي بالحلم والقلب ذايب

أوهام ماأسرع ماتطير بشتاتي

ياقسوة الأيام ليه الطلايب

وأنا الذي ضيعت بسمة شفاتي

يارأس مالي هالدموع السكايب

وجرح الخفوق اللي بقى ذكرياتي

دايم يذكرني يسيع الهبايب

في واقعي وبحسرتي وبشفاتي

لا تعتذر بالوقت انت السبايب

خليتني أرحل بعبره بسكاتي

عزاه لك ياقلب ماظن طايب

ما أكثر جروحك وأنت صبرك ثباتي

ليه الفرح ياليل شد الركايب

كني غريب عنه ما مر ذاتي

أرحل أسافر له وألقاه غايب

وأرجع وحيد لغربتي ولماتي

خانت بي الدنيا وشفت العجايب

وسط البحر ضيعت مركب نجاتي

خلاص برحل ياهلي والقرايب

على الهوى والشوق بعلن وفاتي
ــــــــــــــــــــــــــــــــــــــــــــــــــــــــ